• Ilang hiwa tinapay na tinusta
• mantikilya o margarina
• itlog
• toyo
• asin
• aji-no-moto
• hiniwa ng pinong sibuyas na mura (dahon)
• hiniwa ng pinong siling berde
• pineapple tidbits
• hipon, binalatan at tinadtad
• hiniwang hamon

Instructions

1. Pahiran ng mantikilya o margarina ang tinustang tinapay. Batihin ang itlog kasama ang toyo, asin at betsin o aji-no-moto. Tunawin ang 1/3 tasang mantikilya sa kawali at igisa ang sibuyas at siling berde sa loob ng 2-3 minuto.
2. Ibuhos ang binating itlog. Kapag nanikit na ang mga tabi, iangat ng kaunti upang maluto ang nasa gitna.
3. Kapag makinis na ang ilalim ng omelet isama na ang “pineapple”, kamatis at hipon. Haluin ng hindi kailangang baligtarin pa at ipagpatuloy ang pagluluto ng mga 5 sandal o hanggang sa maluto.
4. Iayos ang hiniwang hamon sa tinustang tinapay at paibabawan ito ng shrimp omelet. Makagagawa kayo ng 4 na sandwiches.

• 1 tasang bigas
• 10 tasang sabaw
• 3 pirasong kangiocho
• 1/4 na kilong hipon, tadtarin
• 1/2 kilong giniling na baboy
• 5 apulid, tadtarin
• 1/4 na tasang sibuyas na mura, tadtarin
• 4 na kabuti, hiwain nang pahaba at makikitid
• 2 itlog
• 1 kutsarang gawgaw
• 2 kutsaritang asin
• 1 kutsaritang Aji-No-Moto
• 1/4 na kilong atay ng baboy, hiwain nang makikitid
• Bitchu-bitchu (shrimp fritter)

Instructions

1. Isalang ang bigas, tubig o sabaw at kangiocho. Paghalu-haluin naman ang hipon, baboy, apulid, sibuyas na mura, kabuti, itlog, gawgaw, asin at Aji-No-Moto. Gawing bola-bola (1/2 pulgadang bilog) Itabi sandali.
2. Kung halos ay luto na ang bigas at mga kasamang sangkap papataking isaisa ang bola-bola. Isama rin ang atay na hiniwa. Timplahan ng asin at Aji-No-Moto. Haluing tuluyan ang lugaw sa loob ng 5 minuto para maging maganda ang sabaw. Ihaing nasa mangkok. Maaring magbasag dito ng isang hilaw na itlog. Ihaing may kasabay na bitchu-bitchu

• 1/2 kilong hipon (buo)
• 1/2 kilong hipon (tinadtad)
• 1 malaking sibuyas tinadtad
• 1/2 tasang mantika oliba
• 1 kutsarang mantika ng baboy
• 2 kutsarang mantikilya
• 2 kutsarang arina
• 1 tasang gatas
• kaunting parsley tinadtad
• asin
• 2 tasang kanin sa 4 na tasang katas ng hipon

Instructions

1. Alisan ng balat ang hipon at ilaga sa tubig na may asin. Dikdikin ang balat ng hipon. Salain. Itabi ang katas sa pagpapakulo ng kanin.
2. Haluin ang 1 kutsarang harina at mantikily6a at katamtamang gatas para sa puting sarsa. Isama ang tinadtad na hipon. Iluto.
3. Maggisa ng sibuyas, parsley sa mantikang oliba. Isama ang bigas at katas ng hipon. Timplahan ng asin. Kapag malapit nang maluto ang kanin, isama ang buong hipon binalatan. Alisin ang poy at ininin ang kanin sa loob ng 20 minuto, bago alisin ang hipon.
4. Ilagay ang lutong kanin na ang 1/2 bahagi ay may kanin at sarsang hipon. Sa isang tabi ibuhos ang puting sarsa. Palamutian ng buong hipon.

• 4 o 5 tasang sariwang hipon o 1 kilong sugpo
• 1 kutsarang asin
• 3 kutsarang katas ng kalamansi
• ½ tasang langis na pamprito
• 3 tasang kakangata at 1 tasang tubig
• 4 kutsarang curry powder na kinanaw sa 2 kutsarang tubig
• 3 malalaking sibuyas, hiniwa at pinirito ng bahagya

Instructions

1. Talupan ang hipon at sugpo. Asnan at ihalo ang katas ng kalamansi. Iprito ang hipon hanggang sa mamula. Alisin sa apoy. Alisin ang langis at ihalili ang gata sa kaserola o kawali. Ihalo ang curry powder na kinanaw sa tubig. Hayaang kumulo habang hindi nilulubayan ng paghalo hanggang sa lumapot.
2. Ihulog ang piniritong hipon. Kung sakaling hindi lumapot sa pagkakahalo ng curry powder, magkanaw sa tubig ng 1 kutsarang arina o cornstarch. Ihalo sa niluluto. Ihain na may kasamang mashed potato at palamutian ng piniritong ginayat na sibuyas.
3. Maaring maihain ng tig-2 piraso bawa’t isang hain na may kasamang salsa.

• Kutsarang tinadtad na karne
• 1 kutsaritang tinadtad na bawang
• ½ tasang hipon walang balat
• Paminta
• 2 kutsarang paminta
• ½ tasang tinadtad na baboy na biniyak sa gitna
• 3 tasang buto ng patani
• 1 ½ tasang katas ng ulo nt balat ng hipon
• 1 tasang sotanghon
• 1 tasang sabaw
• 2 kutsaritang asin

Instructions

1. Ibabad ang sotanghon sa tubig. Magpapula ng bawang sa kaunting mantika. Igisa ang sibuyas. Isunod ang hipon, baboy, karne at patani. Takpan at hayaang maluto sa loob ng 5 minuto.
2. Isama ang sotanghon at katas ng hipon. Timplahan ng asin at paminta at haluin upang di makurta ang sabaw ng hipon. Ihaing mainit.

• 1 pkg papa picolino spaghetti
• 2 kutsarang langis na  paggisa
• 1 kutsarang pinitpit na bawang
• ¼ tasang sibuyas, tinadtad
• 1 tasang tinalupang hipon, hiniwa
• 1 tasang tomato sauce
• ½ tasang katas ng dinikdik na ulo ng hipon
• 1 kutsaritang asin
• 1 kutsaritang asukal
• ¼ kutsaritang worcestershire sauce
• 6 na patak ng tabasco sauce
• ½ tsang kinudradong siling berde

Instructions

1. Iluto ang spaghetti hanggang sa lumambot. Patiliin sa isang salaan at lagyan ng kaunting margarina o langis saka haluing mabuti upang hindi manikit. Ilagay sa isang bandeha at itabi.
2. Igisa ang bawang at sibuyas sa mainit na langis at isunod ang hipon. Ibuhos din ang tomato sauce at ang katas ng hipon. Timplahan ng asin, asukal, paminta, worcestershire sauce at tabasco sauce. Hayaang kuluan nang 5 minuto.
3. Ihulog ang kinudradong siling berde at hayaang kuluan hanggang sa lumapot ang salsa. Ibuhos sa ibabaw ng nilutong spaghetti at ihain habang mainit. Maihahain sa 6-8 katao.

• 6 na sugpo
• 3 kutsarang puting alak
• ¼ na kutsaritang katas ng luya
• 2 kutsaritang asin
• 1/8 kutsaritang paminta
• ¼ na tasang arina
• 4 na kutsaritang worcestershire sauce
• ½ tasang ketsup
• ¾ na tasang berdeng sili, kudra-kudraduhin
• ¼ na tasang sibuyas na mura, hiwain ng ¼” haba
• 1 sibuyas, hiwain
• 2 kamatis, kudra-kudraduhin

Instructions

1. Hiwa-hiwain nang pahilis ang mga sugpo (2”). Timplahan ng puting alak, ktas ng luya, asin at paminta. Igulong sa arina. Hayaan ng 20 minuto. Iprito sa mainit na mainit na langis hanggang pumula.
2. Ilagay ang mga sugpo sa kawali. Isalin ang worcestershire sauce, ketsup, tubig, sibuyas na mura, hiniwang sibuyas at kamatis. Takpan. Ipagpatuloy ang pagluluto ng ilang minuto.

• 2 kutsarang mantikilya
• 2 kutsarang arina
• ¼ kutsaritang asin
• 1/8 kutsaritang paminta
• 1 1/8 tasang gatas
• 1 kutsaritang “curry powder”
• 2 tasang nilutong hipon (banalatan)
• Kanin

Instruction

1. Magtunaw ng mantikilya. Isama ang harina, asin, paminta at katas ng sibuyas. Kapag bumubula na, isama ang gatas at haluin hanggang sumubo.
2. Isama ang pulbos ng “curry” na tinunaw sa gatas. Ilagay ang hipon at hayaang maluto sa loob ng 10 minuto. Ibuhos ang bunton ng kaning sinangag.

• 1 kilong sugpo
• 1 pipino
• 1 kerot
• Letsugas (bagyo)
• Sili (bagyo)
• 2 sibuyas
• 1 latang pinya
• ¼ repolyo
• Paprika
• Asin
• Paminta

Sarsa:

• ½ tasang suka (cider)
• Paprika

Instructions

1. Balatan ang kerot at pipino. Hiwaing lahat ng mga gulay ng pino at haluin sa isang mangkok. Isama ang pinya at binalatang sugpo na hiniwang maliliit.
2. Timplahan ng asin, paminta at paprika. Iayos at palamutian ng lutong sugpo at dahon ng letsugas.

Sarsa:

1. Haluing mabuti ang suka at paprika at ibuhos sa ensalada at ihain.

• ½ kilong sugpo
• ½ tasang toyo
• 2 kutsarang suka
• ½ kutsaritang paminta
• ¼ na tasang gawgaw
• 1/3 tasang langis
• 1 malaking sibuyas

Instructions

1. Linisin ang mga sugpo. Iwang nakakabit ang mga ulo at buntot. Ibabad ang mga sugpo sa toyo, suka at paminta. Iwan ng mga isang oras. Painitin ang mantika.
2. Ilubog nang isa-isa ang sugpo sa gawgaw. Iprito sa mainit na mantika hanggang pumula. Patuluin ang mantika. Iahing may kasamang sarsa.
3. Gawin ang sarsa sa pamamagitan ng pagluluto ng pinagbabarang toyo at sibuyas na hiniwa-hiwa nang pabilog (para sa 8 paghahain).