• sariwang atay ng baka
• suka
• asin
• langis na paggisa
• bawang na pinitpit
• aji-no-moto
• sibuyas na tinadtad
• paminta
• ilang hiwang tinapay na pangsanwits
• sariwang dahon ng letsugas

Instructions

1. Hugasan at alisin ang parang manipis na plastik na nakabalot sa atay. Hiwain ng maliliit at ibabad sa kaunting suka na may kasamang tinadtad na sibuyas at paminta.
2. Sa kawali, painitin ang langis at igisa ang bawang hanggang sa mamula. Hanguin at itabi. Iprito ang ibinabad na atay kasama ang paminta at sibuyas.
3. Kapag ang kulay ng atay ay maputi na saka isama ang pinagbabarang suka at dagdagan ng kaunting tubig para may salsa. Sa huli timplahan ng asin at aji-no-moto.
4. Kapag luto na ang atay ay hanguin agad dahil tumitigas ang atay kapag nasobrahan ng pagluto.
5. Ipaibabaw ang ginisang atay at kaunting salsa sa isang hiwang tinapay na may pahid na mantikilya.
6. Lagyan sa ibabaw ng letsugas saka takpan ng isa pang hiwang tinapay na may mantikilya din.
7. Ihain at kung babaunin sa opisina o eskuwela ay balutin ng “wax paper” upang hindi maging tuyot.

• ½ kilong laman ng baka hiniwang maninipis na malapad
• 8 kalamansi
• 2 kutsarang toyo
• 1 kutsaritang bawang na binayo
• ¼ kutsaritang paminta
• 2 hiwang lutong hamon
• 1 soriso bilbaw hinati sa apat na mahahabang piraso
• 2 hiwang taba ng baboy
• 2 pirasong gherkins (hinati)
• 5 kutsarang mantika
• 3 nilagang itlog
• 5 tasang tubig
• 1 dahon ng laurel
• 2 kutsarang tinadtad na sibuyas
• ½ tasang sarsa ng kamatis
• Parsley

Instructions

1. Ibabad ang laman ng karne sa katas ng kalamansi, toyo, bawang at paminta sa loob ng 15 minuto. Ilatag ang laman ng karne. Iayos ang hamon, soriso, taba ng baboy, “gherkin” at itlog sa isang hanay.
2. Balutin ito ng laman ng karne at talian. Iprito hanggang mamula. Ilagay sa kaserola ang karne at lagyan ng tubig, laurel, sibuyas, sarsa ng kamatis, asin at paminta.
3. Pakuluin sa atay-atay na apoy hanggang lumambot ang karne. Alisin ang tali ng karne at palamutinan ng parsley.

• 1 malilit na dila ng baka
• 2 kutsarang asukal (Victorias Refined Sugar)
• ½ tasang katas ng sariwang dalanghita
• 1 ½ maliit na kahong pasas
• 1 kutsarang ginadgad na balat ng dalanghita
• 1 sibuyas
• 1 karot. Binalutan at hiniwa
• 2 tangkay ng celery
• ¼ tasang margarina
• 3 kutsarang arina
• ½ kutsaritang asin
• Paminta na ayon sa inyong panlasa
• Hiniwang dalanghita

Instructions

1. Pakuluan ang dila. Makaraan ang ilang sandaling pagkulo, hanguin at linisin. Hiwain at pakuluang muli at isama ang sibuyas, celery at ang karot.
2. Kapag panay na ang kulo dahan-dahang hinaan ang gatong hanggang sa lumambot. Hanguin at itabi ang pinagkuluang sabaw.
3. Tunawin ang margarina sa isang kaserola. Ihalo ang arina sa mainit na margarina hanggang bumula.
4. Unti-unting ibuhos ang sabaw hanggang sa lumapot. Timplahan ng asin, asukal, ginadgad na balat ng dalanghita, paminta, pasas at katas ng dalanghita. Ihain nang mainit. Palamutihan ng parsley at hiniwang dalanghita o kahel.

• 2 butil na bawang
• 1 sibuyas, tadtarin
• 4 na hinog na kamatis, tadtarin
• 2/3 o ½ latang ‘‘Corned Beef“
• 4 na tasang sabaw o tubig
• 6 na hiwang asparagus, hiwa-hiwain
• 1 ½ kutsaritang asin
• 1 kutsaritang Aji-No-Moto

Instructions

1. Igisa sa langis ang bawang, sibuyas at kamatis. Ihalo ang ‘‘corned beef‘‘at sabaw. Ipagpatuloy ang pagluluto sa mahinang apoy. Huwag pakukuluin.
2. Ihalo ang asparagus. Pagkaraan ng ilang minute. Tikman. Timplahan ng pampalasa. Ihaing mainit.

• ½ kilong laman ng karneng baka na hiniwa sa walong piraso
• ½ kilong baboy hiniwa katulad ng sa laman ng baka
• 1 soriso (bilbaw)
• 3 kamote (dilaw) tinalupan at biniyak sa gitna
• ½ repolyo (hinati sa 6 na piraso)
• 3 talong (hinati)
• 6 saba
• ½ tasang lutong beans
• 1 tasang tinadtad na kamatis
• 2 kutsarang tubig
• Asin at paminta

Instructions

1. Ilagay ang karne, baboy at soriso sa kaserola. Lagyan ng tubig at pakuluin. Paglambut-lambot ng karne isama ang gulay at saging. iluto at itabi.
2. Maggisa ng bawang, sibuyas, kamatis, beans at baboy at karne. Isama ang 2 tasang sabaw ng pinaglagaan at lahat ng pinakuluang gulay.
3. Timplahan ng asin at paminta.

• 1 kilong karneng baka
• ¼ kilong arina
• Asin at paminta
• Sibuyas na ginayat
• ½ tasang tubig
• 1 tasang katas ng kamatis

Instructions

1. Ihudhod ang laman ng karne sa harinang may asin at sili. Paluin ng maso ang laman sa likod ng itak. Prituhin sa mantika.
2. Isama ang sibuyas, tubig at katas ng kamatis. Takpan at pakuluin sa loob ng 1 ½ oras hanggang lumambot ang laman. Bilingin paminsan-minsan.

• 1 itlog
• ¼ na tasang gatas
• 2 kutsarang sibuyas, tinadtad
• 1 kutsaritang asin
• 4 na kutsarang mustard
• 1 tasang mumu ng tinapay
• 1 librang giniling na baka

Instructions

1. Pagsama-samahin ang itlog, gatas, sibuyas, asin, 2 kutsarang “mustard” at mumu ng tinapay. Ihalo ang giniling. Haluing dahan-dahan.
2. Ilagay sa “loaf pan” na pinahiran ng mantika. Ihurno sa pugong may 350°F ang init. Patagalin ng 45 minuto ang paghuhurno.
3. Pahiran ng 2 kutsarang “mustard” at lutuin ng 5 minuto. Alisin ang katas at gamitin sa paggawa ng sarsa. (para sa 4 na paghahain.)

• ¼ na kilong baka, kabilugan, hiwain nang manipis at pakudrado
• 1 kutsarang toyo
• 1 kutsarang asukal
• 3 pirasong tuyong kabuti ibabad sa tubig at hati0hatin
• 2 tokwa
• 2 malaking sibuyas, pag-apatin
• 1 karot, hiwain
• 2 tangkay ng kintsay, hiwain
• 5-6 dahong petsay baguio
• 50 gramong sotanghon
• 1 ½ kutsarang asukal
• ¾ na kutsarang toyo
• ½ tasang sabaw ng nilagang baka
• 1 kutsarang Aji-No-Moto
• ¼ na tasang mantikilya o margarina

Instructions

1. Ibabad ang bakang-hiwa nang pakudrado at kasingnipis ng papel sa pinaghalong isang kutsarang toyo at isang kutsarang asukal. Itabi sandali. Ihanda ang kabuti, tokwa, mga gulay at sontanghon. Pagsama-samahin ang asukal, toyo, sabaw at betsin. Itabi sandali.
2. Tunawin sa kawali ang mantikilya. Iprito ang kabuti. Itulak sa isang tabi. Iprito nang mabilis ang magkabilang panig nga mga hiwa ng baka. Itabi sandali. Ilagay sa lutuan ang sibuyas at tokwa.
3. (Ang bawa’t sangkap ay niluluto sa isang kawali lamang bagama’t hiwa-hiwalkay ang paghahanda ng bawa’t isa).
4. Ilagay ang kerot sa lutuan. Takpan. Lutuin sa mahinang apoy sa loob ng 1 minuto. Ilagay ang petsay at kintsay. Lutuin ng 1 minuto. Ihalo ang dahong petsay, sotanghon at sabaw. Lutuin ng 2 minuto pa. hanguin agad sa isang sisidlan. Ihain.

• 1 kilong baka
• ½ ulong bawang
• Asin
• Paminta
• ¼ na tasang arina
• 6 na osang latang tomato paste
• 1 berdeng sili, hiwain nang pabilog
• 1 latang kabuti, patuluin
• 1 maliit na dahong laurel
• ¼ na kutsaritang thyme
• 1 kutsarang asukal
• 1 malaking sibuyas, hiwain
• 1 ½ tasang tubig

Instructions

1. Hiwain ang baka. Alisin ang taba. Kuskusin ng bawang ang karne. Budburan ng asin at paminta. Lagyan ng arina ang baka. Bayuhin o pukpukin para kumapit ang arina.
2. Painitin ang langis sa kawali. Papulahin ang mga hiwa ng baka. Alisin ang baka. Ilipat sa kaserola. Alisin ang langis sa kawali.
3. Ihalo ang “Tomato Paste”, tubig, asukal at mga pampalasa. Painitin sa kawaling ginamit. Iayos ang sibuyas at berdeng sili sa ibabaw ng baka.
4. Isalin ang “Tomato Paste” at mga kasamang sangkap. Takpang mabuti ang lutuan. Maaring gumamit ng “Aluminum Foil” bilang panakip. Ihurno sa pugong may 350°F ang init.
5. Pagkaraan ng 1 ½ o 2 oras o kung luto na ang karne, hanguin. (Para sa 4-6 na paghahain).

• 1 kilong baka, ilaga
• 3 sibuyas
• 1 pimiento
• 1 latang kabuti
• ¼ na librang mantikilya, sariwa

Sarsa:

• ¼ na librang sariwang mantikilya
• 1 latang gatas na ebaporada
• 3 pula ng itlog
• 2 onsang kinadkad na keso
• 2 kutsarang gawgaw

Instructions

1. Igisa sa mantika ang sibuyas. Ihalo ang kabuti, pimiento at hiniwa-hiwang baka. Timplahan ng asin at paminta. Isalin ang sarsa.

Sarsa:

1. Pagsama-samahin ang lahat ng mga sangkap. Lutuin sa ibabaw ng magkapatong na lutuan. Haluin nang haluin hanggang lumapot ang sarsa.
2. Itabi sandali. Hanguin sa apoy. Gamitin ayon sa hinihingi ng resipi. (para sa 5-6 na paghahain).